Barn á rétt á að umgangast reglulega það foreldri sem það býr ekki hjá, og foreldrið á sömuleiðis rétt og ber skylda til að rækja umgengnina, sbr. 46. gr. barnalaga nr. 76/2003. Rétturinn er barnsins. Þess vegna skiptir máli hvernig mál er lagt upp: það snýst um að barnið fái að hitta foreldri sitt, ekki um skiptingu tíma milli fullorðinna.
Þegar samningur næst ekki
Sýslumaður úrskurðar um inntak umgengni, sbr. 47. gr. barnalaga, að undangenginni sáttameðferð. Úrskurðinum má skjóta til dómsmálaráðuneytisins. Við setjum fram kröfur um umgengni sem henta aldri barnsins og aðstæðum, til dæmis reglubundna umgengni aðra hverja viku, jafnt skiptan tíma í sumarleyfum og fyrirkomulag um hátíðir.
Þegar umgengni er tálmuð
Sé umgengni hindruð þrátt fyrir samning eða úrskurð má krefjast þess að sýslumaður leggi dagsektir á það foreldri sem tálmar, sbr. 48. gr. barnalaga, og eftir atvikum krefjast þess fyrir dómi að umgengni verði komið á með aðför, sbr. 50. gr. Endurtekin tálmun getur einnig haft áhrif á forsjá og lögheimili barnsins. Við höfum rekið fjölda slíkra mála og vitum hvaða gögn þarf til að sýna fram á tálmunina.
Kostnaður
Umgengnismál hjá sýslumanni eru gjaldfrjáls hjá embættinu, en lögmannskostnaður fellur á þig nema gjafsókn fáist í dómsmáli. Réttaraðstoð úr heimilistryggingu nær sjaldnast til fjölskyldumála. Við förum yfir kostnaðinn í fyrsta samtali.