Eftir slys er margt að hugsa um og tryggingafélagið hefur forskot: það þekkir reglurnar og rekur mál af þessu tagi á hverjum degi. Lögmaður jafnar leikinn. Í flestum tilvikum greiðir tryggingafélagið sjálft hæfilegan lögmannskostnað sem hluta af tjóninu.
Hvaða slys?
- Umferðarslys. Ökumaður, farþegi, gangandi eða hjólandi. Bætur greiðast úr ábyrgðartryggingu ökutækis eða slysatryggingu ökumanns og eiganda.
- Vinnuslys. Slysatrygging launþega samkvæmt kjarasamningi og eftir atvikum skaðabótaábyrgð vinnuveitanda.
- Frítímaslys. Slysatrygging í heimilistryggingu eða sérstakri slysatryggingu, og bætur úr ábyrgðartryggingu þess sem olli tjóninu.
- Sjúklingatrygging. Bætur vegna tjóns af læknismeðferð samkvæmt lögum nr. 111/2000, sótt til Sjúkratrygginga Íslands og ákvörðun kærð til úrskurðarnefndar velferðarmála þegar þörf krefur.
Hvernig er tjónið bætt?
Bætur fyrir líkamstjón ráðast af skaðabótalögum nr. 50/1993: þjáningabætur, bætur fyrir varanlegan miska, bætur fyrir varanlega örorku og tímabundið atvinnutjón, auk sjúkrakostnaðar og annars fjártjóns. Örorka og miski eru metin af lækni og lögmanni eða dómkvöddum matsmönnum þegar heilsufar er orðið stöðugt. Fjárhæðin veltur á matinu, og á því hvaða gögn liggja fyrir. Þess vegna skiptir máli að leita læknis strax eftir slys og að tilkynna það tímanlega.
Hvað gerum við?
Tilkynnum slysið til allra tryggingafélaga sem koma til greina, öflum sjúkragagna og læknisvottorða, óskum eftir mati á afleiðingum, förum yfir tillögu félagsins að uppgjöri og semjum um bætur. Náist ekki samkomulag er málið lagt fyrir dóm. Bótakröfur vegna líkamstjóns fyrnast á tíu árum en tilkynningarfrestir tryggingafélaga eru mun styttri.
Kostnaður
Tryggingafélög greiða að jafnaði hluta lögmannskostnaðar við uppgjör og réttaraðstoð úr heimilistryggingu getur greitt kostnað við dómsmál. Fyrsta símtalið kostar ekkert og þar segjum við þér hvernig kostnaðurinn dreifist í þínu máli.