Þegar barnavernd hefur afskipti af fjölskyldu eiga foreldrar rétt á að vita hvað er borið á þá, sjá gögn málsins og tjá sig áður en ákvarðanir eru teknar. Barnaverndarlög nr. 80/2002 og stjórnsýslulög nr. 37/1993 tryggja þennan rétt, en í reynd þarf oft lögmann til að hann sé virtur.
Hvað gerum við?
- Fylgjum þér á fundi með barnavernd og gætum þess að rétt sé staðið að málsmeðferð.
- Krefjumst aðgangs að gögnum málsins og kærum synjun til úrskurðarnefndar velferðarmála. Kærufrestur vegna synjunar um gögn er 14 dagar, svo bregðast þarf hratt við.
- Gerum athugasemdir við greinargerðir og meðferðaráætlanir og andmælum ákvörðunum um vistun barns utan heimilis.
- Rekum mál fyrir dómi þegar krafist er forsjársviptingar eða vistunar gegn vilja foreldra. Í þeim málum skipar dómari foreldri talsmann og kostnaður greiðist úr ríkissjóði.
Réttur til lögmanns
Áður en úrskurður er kveðinn upp í barnaverndarmáli eiga foreldrar og barn rétt á fjárstyrk frá barnaverndarþjónustu til að greiða fyrir lögmannsaðstoð, sbr. 2. mgr. 47. gr. barnaverndarlaga nr. 80/2002, eftir reglum sem taka mið af efnahag og umfangi málsins. Við segjum þér strax hvort þitt mál fellur þar undir og sækjum um styrkinn með þér.